Чирмешәнлеләр мошенникларны ярты миллион сумга баетканнар

Якташларыбыз үзләре мошенникларга һәрберсе 500 мең сумга якын акча күчергәннәр.

Мошенниклар халыкны төрле юллар белән алдыйлар. Полиция бүлегеннән белешүебезчә, әлеге якташларыбызга үзләрен федераль куркынычсызлык хезмәте хезмәткәрләре дип атап шалтыраталар һәм банкка барып яңабаштан кредитларын рәсмиләштерергә кушалар. Кызганыч, райондашларыбыз кушканны эшлиләр һәм акчасыз калалар.

Полиция хезмәткәрләре кабат киңәш итә: мондый хәлгә калмас өчен, алган, ишеткән мәгълүматларга сукырларча ышанмаска, таныш булмаган кешелзәр соравына, таләбенә, тәкъдименә карап, аларга акча күчерергә ашыкмаска кирәк. Мошенниклардан курыкмагыз, алар телефон аша гына аралаша.

фото: unsplash.com