Чирмешән районында берәү, закон бозып, спиртлы эчемлек саткан

Гомумән, 2-8 июнь көннәрендә район полиция бүлегенең дежур частенда 29 хәбәр кабул ителгән. Бу вакытта ике җинаять эше кузгатканнар. Полиция участок уполномоченныйлары тарафыннан дүрт административ беркетмә төзелгән.

Бер атнада бер юл-транспорт вакыйгасы теркәлгән, анда имгәнүчеләр юк. Юлда йөрү кагыйдәләрен бозуның 52 очрагы ачыкланган, шуларның икесе - автотранспорт чарасы белән исерек килеш идарә итү.

Район авылларының берсендә спиртлы продукцияне закон бозып сату факты ачыкланган. Бу уңайдан административ эш кузгатылган.

Шешминкада яшәүче хатын-кыз төнлә аның капкасын шакып сүгенгән ир-атны җаваплылыкка тартуны үтенә.

Әлеге мәгълүматлар Россия Эчке эшләр министрлыгының Чирмешән районы буенча бүлеге штабыннан алынды.