Чирмешән районында бер ир-ат алтын алкалар урлаган

12-18 августта район полиция бүлегенең кизү частенда 38 хәбәр кабул ителгән. Полиция участок уполномоченныйлары 27 административ беркетмә төзегән. Бу чорда 2 җинаять эше кузгатылган.

Бер атна эчендә өч юл-транспорт вакыйгасы теркәлгән, аларда бер кеше зыян күргән. Гомумән, районда юлда йөрү кагыйдәләрен бозуның 70 очрагы ачыкланган. Ике машина йөртүчегә автотранспорт белән исерек хәлдә идарә иткән өчен җавап бирергә туры киләчәк. 

"Булгарнефть" җәмгыятенең скважинасыннан 4 эшермә - задвижка урлаулары хакында хәбәр булган. Матди зыян күләме ачыклана.

Яңа Элмәле авылыннан хатын-кыз - ишегалдына кереп, үзенә һөҗүм иткән авылдашын җаваплылыкка тартуны сорый. Теге кеше акча да таләп икән.

Барлык мөрәҗәгатьләр буенча тикшерү алып барыла.

Әлеге мәгълүматлар Россия ЭЭМның Чирмешән районы бүлеге штабыннан алынды.

фото: автор