Чумачка мәчетен җыйнау җылыттылар

Авыл зур түгел - 100 дән күбрәк кеше яши, ә мәчетне карап тору чыгымнар сорый. Ярдәм итмәсәләр, булышмасалар, кыенга туры килә. Әнә дин йортын җылыту эшләре дә 300 мең сумнарга төшкән.

-Шөкер, күмәк көч белән моны җиңеп чыктык. Чумачка авылы халкына, үземнең авылдашларга – кармышлыларга, район мөхтәсибе  Минсәгыйрь Миншинга рәхмәт. Лашманнан Рамил Гыйматдинов җылыту торбаларын сузды,  мичен урнаштырды, Булат Латыйпов шул  мичне алып бирде. Лениногорскидан Камил Таҗиев бригадасына, район газчыларына да рәхмәтлебез. Аллаһы Тәгалә изге эштә булышучыларның тәннәренә – саулык,  малларына   - бәрәкәт, йортларына иминлек бирсә иде, - ди Чумачка мәхәлләсе имам-хатыйбы  Мәүлет хаҗи Нуруллин.

Кызганыч, монда мәчеткә йөрүчеләр азрак шул. Әле ярый бу яктан авыл әбиләре өлгер. Дөрес, гает намазларына 50 гә якын кеше җыела икән.

-Бөтен максатыбыз – авыл өстендә азан тавышы тынмасын, дибез.  Мәчеткә сукмакны суытмаска кирәк. Аллаһыга шөкер, әлегә дини йолаларыбызны, гореф-гадәтләребезне башкарып яшибез, - ди авыл имамы.  

Гөлсирә Шәрифуллина фотосы