Татарстанда 3 меңнән артык студент илкүләм проект буенча бушлай эшче һөнәрләргә укытыла
Татарстанда «Яшьләр һәм балалар» илкүләм проекты максатларына ярашлы рәвештә, эшче һөнәрләр һәм хезмәткәрләр вазифалары буенча профессиональ укытуның язгы этабы тормышка ашырыла. Быел яз 3,3 меңнән артык егет һәм кыз бушлай өстәмә белгечлекләр алачак. Бу турыда Республика студентлар хезмәт отрядлары үзәгендә хәбәр иттеләр.
