Түбән Кармалка пенсионеры “Безнең Чирмешән” газетасы акциясендә хуҗалыкта кирәкле эш коралы отты
Түбән Кармалка авылында яшәүче пенсионер Мария Белобородова район яңалыклары белән “Безнең Чирмешән” (“Наш Черемшан”) газетасы аша таныша.
-Хат ташучыбыз Людмила Курмыгина тырыш кеше, газета-журналларны вакытында китерә, - дип мактап телгә алды ул авылдашын.
Мария Алексеевна белән редакция бинасында сөйләштек. Ул бирегә призын алырга килде.
-Газетага язылмыйча калганым юк, яратып укыйм, аеруча райондашларыбыз турында язмалар кызык: кем ничек яши, нәрсә эшли, нәрсәләр үстерәләр...Редакциянең абунәчеләре арасында призлар уйнатулары хакында да белщ идем, әмма бәхетемне быел гына сынап карарга булдым. Бүләкнең дә бик зурысын – электр дрель оттым. Хуҗалыкта кирәк әйбер. Редакция хезмәткәрләренә, бүләкләр бирүче иганәчеләргә зур рәхмәт, - диде Мария Алексеевна.
Гөлсирә Шәрифуллина фотолары
Следите за самым важным и интересным в Telegram-каналеТатмедиа
Нет комментариев