Чирмешәнлеләр хезмәтләре өчен макталды

Күпьеллык нәтиҗәле хезмәте һәм халык сәламәтлеген саклауга зур өлеш керткәне өчен, “Чирмешән район үзәк больницасы” сәламәтлек саклау дәүләт автоном учреждениесе баш табибы Лилия Шамил кызы Мортазина Татарстан Республикасы Сәламәтлек саклау министрлыгының Мактау грамотасы белән бүләкләнде.

Күпьеллык нәтиҗәле хезмәте һәм массакүләм мәгълүмат чараларын үстерүгә керткән зур өлеше өчен, “Татмедиа” акционерлык җәмгыяте “Безнең Чирмешән” (“Наш Черемшан”) газетасы баш редакторының тәрҗемә буенча урынбасары Гөлсирә Гариф кызы Шәрифуллинага район башлыгының Рәхмәт хаты тапшырылды.

“Экояз-2023” республика бәйгесендә актив катнашуы өчен, “Яшьтәш” яшүсмерләр клубы (мөдире Диләфрүз Мәсхүт кызы Мәгъсүмова) ТР Экология һәм табигый ресурслар министрлыгының Көньяк–көнчыгыш территориаль идарәсе җитәкчесенең Рәхмәт хаты белән бүләкләнде.

Екатерина Назимова фотолары