Чирмешәнлеләр ярты сәгатьтә берәр чиләк җиләк җыя
Халкыбыз бу атна башында урман, болыннарга ябырылды. Бик осталар хәтта ярты сәгать эчендә 5 литрлы чиләкне җир җиләге белән тутыра.
Түбән Чегодай авылы килене Вера Дәүләтшина берничә көндә ун чиләктән күбрәк җиләкне сатып та өлгергән.
-“Җиләк бизнесы”гыз уңган алайса, - дим аңарга.
-Бизнес дип инде, бу - минем өчен күңелемә ятышлы шөгыль. Үзебез күбрәк бакча җиләген ярата төшәбез, ә җир җиләген кышкылыкка бераз туңдырам, җыйганымны сатып җибәрәм, - ди Вера Сергеевна.
-Бер чиләкне кай арада тутырасыз?
- Вакытны махсус караганым бар: 5 литрлы чиләкне – ярты сәгатьтә. Табигатьне яратам, монда рәхәт, тынычланасың, - ди җиләкче.
Вера тумышы белән Шешминка авылы кызы. Ул туган авылында яшьтән үк җиләк җыеп үскән. Аны хәзер калкулыкларда, әрәмәлекләрдә җыя.
-Быел җиләк күп, кайбер урыннарда өлгермәгән генә. Берничә атна эчендә, шәт, тәмам пешеп җитәрләр, - ди якташыбыз.
Автор фотосы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев