Чирмешәнлегә РФ Оборона министрлыгыннан бүләк җибәргәннәр

Якташыбыз Россия Федерациясе Кораллы көчләренең  финанс-икътисад хезмәтенең  “За заслуги” дип аталган күкрәк билгесе белән бүләкләнде.

Валентина Алексеевна  район хәрби комиссариатында  33 ел эшли, монда  алты хәрби комиссар белән хезмәт куйган.

-Ул үз эшен бик белеп башкаручы,  җаваплы хезмәткәр, - диде аның хакында районның хәрби комиссары Дамир Гайнуллин.

Хәрби комиссарның  финанс-икътисад,  социаль һәм пенсия эше буенча өлкән ярдәмчесе Валентина  Портнова моңа кадәр “За доблестный  труд” медале белән дә бүләкләнгән булган.

-Эшемне бик яратам. Коллективыбыз да яхшы, бердәм, - ди ул.

Марат Гомәров фотолары.