Әккәрәйдән ерак китмәгәннәр

- Быел уңыш, һава торышына бәйле, азрак, әмма бар, - ди Евгения Маланчева. -Бездә кортлар 20 оя. Эше күп инде, бөтен гаиләбезгә җитә. Бал чыгымнарны каплый, кайбер елларда бер оядан 20-25 килограмм уңыш алырга мөмкин.

Әккәрәйдә хөрмәтле, тырыш булулары белән билгеле Андрей һәм Евгения Маланчевларның бакчаларында да тәртип.

Андрей Андреевич “Татарстан Республикасының атказанган механизаторы” мактаулы исемен йөртә, Евгения Ивановна гомере буе авыл кибетендә макталып эшләгән.

Алар дүрт бала үстергәннәр, дүртесе дә югары белемле педагоглар, кызык бит, гаилә корып, дүртесе дә туган авылларында төпләнгәннәр. Патриотлар. Өч кызлары мәктәптә укыта. Уллары гаиләсе төп йортта.

- Өебез гел шау-гөр килеп тора, - ди Евгения Маланчева.

Кадыйр Гомәров фотосы