Утыз Имәндә мәктәп тә, котельный да яңарды
Утыз Имән мәктәбе яңа уку елында укучыларын кабул итәргә әзер.
- Узган елны мәктәп бинасы капиталь ремонтланды, түбәсе төсле профнастил белән ябылды. Су, канализация, санузел, җылылык челтәрләре, электр үткәргечләре яңартылды, - ди әлеге мәктәп директоры Рөстәм Җамалиев. – Хәзер кабинетлар заман таләпләренә җавап бирә. Мәктәпнең котельные да яңарды, республиканың газофикация фондыннан бирелгән акчага яңа казаннар куелды. Форсаттан файдаланып, район хакимиятенә, мәгариф бүлеге җитәкчелегенә, Яңа Кади авыл җирлеге башлыгына һәм ремонтның кирәклеге хакында хатлар язган авылдашыбыз Самат Ризвановка мәктәп коллективы, ата-аналар һәм укучылар исеменнән зур рәхмәтебезне белдерәбез.
Кызганыч, мәктәптә укучылар саны гына аз. Быел биредә 1 нче сыйныфка нибары бер бала гына килергә тиеш.
Следите за самым важным и интересным в Telegram-каналеТатмедиа
Нет комментариев