Тугыз яшь чирмешәнлегә Россия паспортлары тапшырдылар

“Орион” яшьләр үзәгендә үткән чарада тугыз яшь чирмешәнле төп документлы булды. Беренче документны егетләр һәм кызлар Чирмешән муниципаль районы башлыгы Рамил Айбатов кулыннан алдылар.

- Россия гражданины булу –зур дәрәҗә, паспорт алу - истә калырлык зур вакыйга, сез бу көнне олы бәйрәм буларак кабул итсәгез, күңелләрегездә ул озак сакланыр. Паспортны Ватанны саклаучылар көне алдыннан бирүләре зур әһәмияткә ия, чөнки илебезнең киләчәге сезнең кулларда, - диде котлау сүзендә Рамил Тәлгать улы.

Шулай ук бу көнне укучыларга паспортлар белән бергә “Бердәм Россия Яшь Гвардиясе”нең район бүлекчәсе исеменнән  истәлекле бүләкләр дә тапшырылды.

- Әлеге көнне мин бик көттем,- диде 1 нче Чирмешән урта мәктәбенең 7 нче  сыйныф укучысы Александр Долгополов. - Паспортны район башлыгы кулыннан алу үзе бер горурлык булды. Әлеге документны алгач, бер башка үсеп киткәндәй булдым. Россия гражданы буларак җаваплылык хисе дә тойдым.

Гөлсирә Шәрифуллина фотолары һәм видеосы