Түбән Кармалка чиркәвен газ ягып җылытачаклар

Чиркәүнең приход советы рәисе Владимир Мануйлов әйтүенчә, әлеге бинада 1990 нчы елларда җылыту торбалары сузылган булган. Тик бу система суыкларда туңып, яраксызга әверелә.

- Район башлыгы Рамил Айбатов ярдәме белән, бина янына кадәр 30 метрга якын арада газ торбасы бушлай сузылды, санагыч куелды. Хәзер мич сатып алып урнаштырырга һәм заманча яңа җылылык системасы ясарга кала. Бу эшләрне быел җәй башкарырга ниятлибез, моңа халыктан җыелган иганә акчалары  файдаланылачак, - ди Владимир Алексеевич.

Сүз уңаеннан, әлеге Николай Чудотворец чиркәве - ХХ йөз башларында, 1902-1905 елларда төзелгән тарихи бина.  

Владимир Мануйлов фотолары