Түбән Кәминкәдәге шәхси эшкуар язгы кыр эшләренә әзер

-Кредитка алынган МТЗ-82 тракторына үзем утырам, аның өчен түләп бетердем, - ди ул. -Башка агрегатлар да ышанып файдаланырлык.

Аның пай җирләре 110 гектар мәйдан били, шунда солы, бодай һәм арпа чәчмәкче. Начар орлык күмдереп яхшы уңыш алырмын димә, Габбас Мингаяз улы бодай һәм арпаның элиталы орлыкларын алу турында килешкән. 40 гектардагы күпьеллык үләннәрнең бер өлешен яңартырга да исәбе бар, җире көздән эшкәртелгән. Гомумән, аның барлык җирләренә дә сабан кергән. Эшкәртү, чәчү, уңыш җыю өчен ул башка кеше ялламый, барын да үз көче белән җиңдерә.