Шенталада бәрәңге иртә өлгерә
Яз, җәй җитте исә барыннан да бигрәк бәрәңге турында еш сүз башлыйбыз, көзге уңышны үлчибез. Бәрәңгесез – икенче икмәксез булмый.
Чирмешәндә узган атнада оештырылган ярминкәдә әлеге яшелчәне берничә урында саттылар. Килограммы өчен уртача 60 сум сорадылар.
Шенталада бәрәңге бездәгедән иртәрәк өлгерә икән, сатучылар шул яклардан.
Суганның килосы – 60, сарымсакныкы – 250 сум бәядә.
Башка ризыклар да күп. Лашманнан килгән ике апа килограммын 100 сумнан – эремчек, 1,5 литырлы шешәдә сөтне – 90, ә ярты литр каймакны 250 сумнан бик тиз урнаштырдылар. Кара Чишмәдән бер уңган хуҗабикә бәясе 1000 сумлык симез бройлер түшкәләре сата.
Быел азрак уңышлы бал бәясе төшми әле, 3 литрлы банкадагы бу татлы ризык 1500 сум тора.
Ярминкәдә балык, мәтрүшкә, миннек, ит һәм он эшләнмәләре, кием-салым да тәкъдим иттеләр.
Кадыйр Гомәров фотолары
Следите за самым важным и интересным в Telegram-каналеТатмедиа
Нет комментариев