Кармышлылар һәм яшәүчелеләр кабер казырга экскаватор алды

Бүген авылларда мәрхүмнәребез өчен кабер казырлык яшьләребез күп түгел. Шунлыктан Кармыш, Яшәүче авылы мәчете картлары киңәшләшеп, экскаватор алырга булганнар.

-Күмәк эшкә, рәхмәт, Кармышта, Яшәүчедә һәм читтә гомер итүче күп авылдашлар кушылды. Әтиәниләре шушы авылдан булган Минһаҗевлар гаиләсе, бертуганнар: Чиләбедән Дамир абый, Казаннан Дамирә, Дания апалар, әйттик, шушы техниканы алу өчен 500 мең сум сәдака бирделәр, - ди авыл җирлеге башлыгы Рамилә Гатина.

Хәзер Кармыш зиратында экскаватор өчен гараж төзелә. Аның нигезе әзер инде. Киләчәктә шушы техниканы йөртү өчен арба да ясамакчылар. Экскаватор Кармыш һәм Яшәүче авыллары халкына хезмәт итәчәк.

Дамир Гатин фотосы.