Иске Кадида 68 яшьлек ир-ат янгында нык пешкән, соңрак хастаханәдә вафат булган
Чирмешән районында Иске Кади авылында янгын чыккан. Бу турында 17.18 сәгатьтә ашыгыч хезмәтләрне чакыруның бердәм 112 номерына хәбәр килгән. Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә шул турыда хәбәр иттеләр.
Урынга килгән янгын сүндерүчеләр бер катлы шәхси йорт һәм каралты-кура януын күргән. Янгын сүндерүчеләрне аларның күршеләре каршы алган һәм өйдә 68 яшьлек ялгыз ир-ат яшәве турында әйткән. Кайвакыт ул веранда ягында хәмер эчкәләгән һәм тәмәке тарта торган булган.
Төтен исен беренче булып күршесе сизеп алган. Ул күрше йорт янына йөгереп килгән һәм күршесенең карда ятуын күреп алган. Ул чакта ир-ат исән, ләкин аңсыз була, тәненең нык пешүе күренә. Зыян күрүчене хастаханәгә алып киткәннәр. Табиблар аңа дүртенче дәрәҗә пешү диагнозы (тәненең якынча 95 проценты) куйган. Зыян күргән ир-ат төнлә клиникада вафат була.
Янгынның гомуми мәйданы 84 квадрат метр тәшкил иткән. Янгынның беренче сәбәбе – тәмәке тарткан вакытта саксызлык.
Следите за самым важным и интересным в Telegram-каналеТатмедиа
Нет комментариев