Түбән Кәминкәдән Гөлназ Мәссарова "Татмедиа"ның бүләген отты
“Татмедиа” акционерлык җәмгыяте оештырган “Подписка өчен - телевизор!” акциясенең төп бүләге – төсле телевизорны быел Әтнә районы кешесе отты.
Берәр кеше – блендерлы, иттарткычлы, мультиваркалы булган, призлар уйнату нәтиҗәләре буенча 12 абүнәче сарык йоныннан одеял белән бүләкләнгән. Кызыксындыру призы отучылар арасында якташыбыз – Түбән Кәминкәдә яшәүче Гөлназ Мәссарова да бар. Шушы көннәрдә “Татмедиа” бүләген аңа тапшырдык.
Гөлназ мәктәптә инглиз теле укыта, директор урынбасары.
-Эш күп булуына да карамастан, мин газета-журналлар укырга яратам, алар өчен гел вакыт табам, - ди Гөлназ. – Матбугатка язылу кампаниясе башлануга, дәүләт хезмәтләре порталы аша 7-8 басмага заказ бирәм. Кызларыма балалар журналлары алдырам, алардан тыш “Ватаным Татарстан”, “Гаилә һәм мәктәп”, “Сөембикә” һәм “Безнең Чирмешән” газета-журналларына язылам. Район газетасын беренче битеннән соңгы хәрефенә кадәр укып чыгам. Районда булган барлык вакыйгалар, яңалыклар хакында шуннан белеп барабыз.
Фото: автор
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев