Чирмешәнлеләр хәрби якташларга гел ярдәм итеп торалар

-Сезонга яраклы киемнәр, медикаментлар, көнкүреш химиясе һәм шәхси гигиена чаралары җыябыз. Ярдәм җыю буенча “Орион” яшьләр үзәге һәм район хакимияте билгеләнде. Халык иң кирәкле әйберләрне китерә. Бу игелекле эшкә өлеш керткән барысына да чын күңелдән рәхмәт әйтәсе килә, — ди Илнур Минсәгыйт улы.

Чирмешәнлеләр әлеге игелекле эштә актив катнашалар: авылларда маскировка челтәрләре үрелә, “коры душ”лар, шәмнәр ясала, йокы капчыклары тегелә, гуманитар ярдәм җыю бара, соңыннан барысы да якташларга җибәрелә.

Районда мәгариф учрждениеләре тарафыннан да даими рәвештә Игелеклелек ярминкәләре оештырыла. Продукция сатып җыелган акчага якташларыбызга кирәк әйберләр алына.

Гомумән, махсус хәрби операция зонасына районнан 10 автомобиль (УАЗ Хантер, УАЗ-буханка, Шевроле –Нива, Лада Нива, ВАЗ 2109, Газель), квадроцикл, квадрокоптерлар, генераторлар, бензобур, бензин пычкылары, рацияләр, 73 буржуйка һәм башка бик күп әйбер озатылган.

Телеграмда “СВОих не бросаем” исем астында төркем дә оештырыган. Монда җыелган гуманитар ярдәмен турында мәгълүмат урнаштырыла. Егетләр гуманитар ярдәм җыюга өлеш керткән һәр кешегә, бу эшне оештырган район җитәкчелегенә рәхмәт әйттеләр, безне  ташламыйлар, дип сөенәләр.

Телеграмда чат “СВОих не бросаем”  -  https://t.me/+ikYqLGFOAixhOGNi