Чирмешәндә бер хатын-кызга үтерү белән янаганнар
Район үзәгендә яшәүче бер хатын-кыз үзен кыйнаган һәм үтерү белән янаган ир-аттан зарланып полициягә мөрәҗәгать иткән.
Гомумән, 7-13 майда район полиция бүлегендә гражданнардан 37 хәбәр кабул ителгән.
Полициянең участок уполномоченныйлары дүрт административ беркетмә төзегәннәр.
Бер атнада район юлларында ике юл-транспорт һәлакәте теркәлгән, аларда имгәнүчеләр юк. Юлда йөрү кагыйдәләрен бозуның биш очрагы ачыкланган, шуларның берсе автотранспорт белән исерек хәлдә идарә итү белән бәйле.
Чирмешәннән бер хатын-кыз полициягә мөрәҗәгать иткән. Ул үзен кыйнаган һәм үтерү белән янаган ир-атны җаваплылыкка тартуны үтенә. Әлеге факт тикшерелә.
Әлеге мәгълүматлар Россия ЭЭМның Чирмешән районы бүлеге штабыннан алынды.
Автор фотосы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев