Чирмешән больницасына теш алучы табиб кирәк

Тешем сызлап район үзәк больницасы поликлиникасына килгән идем. “Дәвалап булмый, алдырырга кирәк”, - диделәр стоматологлар. Ләкин бездә  теш ала торган табиб юк икән. Ярар кул астында машина бар, аның белән Шенталада тешне алдырып кайттым. Ә бит һәр кешенең андый мөмкинлеге юк. Теш сызласа, бик авыр. Үзебезнең больницада кайчан теш табибы булыр икән?

Александр.

Чирмешән авылы.

Әлеге хат уңаеннан без район үзәк больницасы баш табибы Лилия Мортазинага мөрәҗәгать иттек.

-Теш алучы табибыбыз әлегә юк, ләкин бу мәсьәләне хәл итәргә тырышабыз, - диде ул.