Чирмешәндәге йорт-интернатта яшәүче әби-бабайларның бүлмәләрен бизиләр
Районның мәгариф учреждениеләре өлкәннәр һәм инвалидлар йорт-интернатында яшәүчеләрне кабат сөендерделәр, бу көннәрдә мәктәп коллективлары әби-бабайларның бүлмәләренә ямь өстиләр.
-Соңгы вакытта йорт-интернатта яшәүчеләрнең бүлмәләре яңа төс ала. Өстәлләрдә, стеналарда, тумбочкаларда гөлләр, фотолар, картиналар барлыкка килде. Аларны безгә мәктәп вәкилләре алып килә. Кайберәүләр, хәтта, үзләре кереп, бүлмәләрне бизәп чыгалар, - ди йорт-интернатның социаль хезмәткәре Фәридә Низаметдинова.– Мондый үзгәрешләрне күреп, өлкәннәребезнең күңелләре тула, күзләре яшьләнә. Әйтик, бер әбигә Иске Кади авылыннан сугышта һәлак булган әтисенең фоторәсемен алып килделәр. Әби-бабайларны туган авылларының күренешләре төшерелгән фотолар да битараф калдырмый. Форсаттан файдаланып, районның мәктәп коллективларына шундый изге гамәлдә катнашулары өчен зур рәхмәтебезне белдерәбез.
Следите за самым важным и интересным в Telegram-каналеТатмедиа
Нет комментариев