Чирмешәндә төрле хезмәтләрнең бәла-казаларга әзерлеге сыналды

Бу атнада оештырылган шушы өйрәнүләрдә янгын сүндерүчеләрнең, коткаручыларның, полиция, медицина хезмәткәрләренең, газ хезмәтенең, коммуналчыларның, электрчыларның һәм юлчыларның гадәттән тыш хәлләр очрагында башкарган эшчәнлекләренә бәя бирелде.

-Аларга  ике “вводный” җибәрелде. Беренчесендә,  имеш, Бәркәтә авылында су басу булган: 66 йортка су кергән, 157 кеше зыян күргән.  Ә икенче бирем буенча, Казанка авылында янгын чыккан. Нәтиҗәдә ут ике йортка капкан һәм анда биш кеше зыян күреп, шуларның өчесе һәлак булган. Барлык хезмәтләр шартлы урыннарга вакытында, 10-15 минут эчендә, килеп җитте, - ди  райондагы бердәм дежур-диспетчерлык хезмәте  җитәкчесе Гөлия Яруллина. 

фото: автор