Элек моннан кирпеч ташысалар, хәзер җиләккә киләләр. Зилә Латыйпованың крестьян-фермер хуҗалыгында андый-мондый гына түгел, ә Италиядән сортлы җиләк кенә үстерәләр, барысы биш төрле.
-Быел беренче уңышны апрель азагында ук татып карадык, - ди Альберт Латыйпов. – Җиләкләребез октябрьгә кадәр пешәчәк.
Җиләк теплицалары унберәү үк, тулаем 1 гектардан күбрәк мәйдан билиләр. Каркаслар өстенә пленка капланган. Дөрес, былтыргы пленкалары, кар күплектән, көчле җил аркасында байтак урында ертылып беткән. Шуңа күрә түбәне башка ысул белән томалау турында уйланалар.
-Узган елда көненә 700әр килограмм виктория җиләге җыйдык, - ди бирегә Әккәрәйдән кадәр килеп эшләүче Виктория Ефимова. – Сезонда иренеп тормыйбыз, хакын вакытында алабыз.
Дистәләрчә метр озынлыктагы теплицага суны елгадан кудыралар, ул җиләкләр төбенә атнага ике тапкыр тамчылап килә икән.
Кирәккәндә, җирне минераль ашлама белән тукландыралар.
Латыйповлар быел 1 тоннага якын җиләк җыеп та өлгергәннәр. Уңыш яхшы, җиләкләре тәмле аларның. Кирпеч заводында фермерларга бар да килешкән.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев