Чирмешән районындагы мигрантларның күбесе – Үзбәкстаннан
2019 елда безнең районда 794 кешегә Россия Федерациясе гражданлыгын раслаучыы паспорт бирелгән. 572 гражданин яшәү урыны буенча теркәлгән, 604е исәптән төшерелгән. Россиянең башка субъектларыннан безгә 66 кеше килгән.
-Мигрантларның төп өлешен БДБ дәүләтләре - элеккеге союздаш республикалар һәм башка ил гражданнары тәшкил итә, - ди Россия ЭЭМның Чирмешән районы буенча миграция пункты начальнигы Наилә Мәссарова.
Үзбәкстаннан – 49, Әрмәнстаннан – 12, Әзербәйҗаннан – 7, Таҗикстаннан һәм Төрекмәнстаннан – дүртәр, Казахстаннан – 3, Германиядән һәм Эстониядән – икешәр, Төркия, Кыргызстан һәм Украинадан берәр кеше.
Узган елда даими яшәүгә – 11 һәм вакытлыча яшәүгә 7 рөхсәт бирелгән. Даими яшәү рөхсәте белән безнең районда – 23, вакытлыча рөхсәт белән 19 кеше гомер итә. Миграция хезмәтеннән хәбәр итүләренчә, эш оештыруның төп юнәлеше – дәүләт хезмәтләрен электрон ысулда тәкъдим итү. Ел буена бирегә дәүләт хезмәтләрен алуга 1793 гариза кергән, шул исәптән 452се - күпфункцияле үзәк аша, 1311е – электрон ысул белән.
фото: архив
Следите за самым важным и интересным в Telegram-каналеТатмедиа
Нет комментариев