Чирмешән районында пневмония белән авыруның 536 очрагы ачыкланган

- Билгеле булганча, кискен респиратор, вирус инфекциясе һәм пневмониягә шиклеләргә, безнең районга төп медицина ярдәме күрсәтүче провизор госпиталь – Әлмәт үзәк больницасы, - ди Чирмешән үзәк больниөасы баш врачы Лилия Мортазина. -Әлмәткә бездән 126 авыру стационар дәвалануга күчерелде, кызганыч, 21се вафат булды.

Катлаулы эпидемиологик хәл белән бәйле һәм COVID-19 таралуны кисәтү өчен медицина хезмәткәрләре кулларны еш юарга, битлек кияргә, күзләргә, авызга һәм борынга кагылмаска, төчкерүче һәм йөткерүче кешеләрдән ераграк булырга, үзеңне начар хис иткәндә өйдә генә торырга киңәш бирәләр. Температура күтәрелсә, йөткертсә, тын буылса медицина ярдәме сорарга, һич кенә дә үзлегеңнән дәваланмаска кирәк.

Лилия Мортазина әйтүенчә, районга гриппка каршы 8570 доза вакцина кайткан, алар тиешле максатларга кулланылган. Халыкны вакцинацияләү дәвам итәчәк.

фото: архив