Чирмешән районында бер атнада өч кешене елан чаккан

Хастаханә хезмәткәрләре әйтүенчә, быел бу шундый өченче очрак. Узган атнада еланнар җиләк җыючыларга һөҗүм иткәннәр.

Соңгы вакытта еланнар күбәюне кызу, коры һава торышы белән аңлаталар. Эссе көннәрдә еланнар аеруча актив икән.

Сүз уңаеннан, бездә агулы еланнарның бер төре генә бар - кара яки зәһәр. Табиблар әйтүенчә, җәй айларында, ел саен, нигездә, елан тешләүнең берничә очрагы ел саен теркәлә икән.

Район үзәк больницасы хирургы Азамҗон Җәбборов елан тешләгәндә, ярадан өстәрәк жгут куярга һәм мөмкин кадәр тиз арада медицина учреждениесенә мөрәҗәгать итәргә киңәш бирә. Кан тамырларын тарайту һәм канга агу үтеп кермәсен өчен, елан чаккан урынга салкын әйбер куярга, моннан тыш күп итеп су, аллергиягә каршы дару эчәргә кирәк.

фото: https://pixabay.com