Чирмешән күлен ниләр көтә?

Биредә туй машиналары да туктый, кайткан кунакларны да монда алып киләләр. Дөрес, хәзер күлдә аккошлар да, үрдәкләр дә юк, су азайган, балалар мәйданчыгына ремонт кирәк.

Чирмешән авыл җирлеге башкарма комитеты җитәкчесе Светлана Ганиева әйтүенчә, быел бирегә төзүчеләр киләчәк. Реконструкция-төзекләндерү эшләренә 9 миллион сум акча каралган. Планлаштырылган эшләр ике елга сузылырга мөмкин. Ә быел саеккан күлгә Чирмешән елгасыннан торбалар буенча кабат су тутырырга ниятлиләр.

Кем белә, бәлки монда аккошлар да йөзә башлар.

Автор фотолары