Беренче Чирмешән мәктәбе спорт заллы булды

Беренче Чирмешән мәктәбенең хәзер заманча, иркен, якты үз спорт залы бар. Дүртенче чирек башланган көннәрдә укучыларга шундый бүләк ясадылар.

-Без - укытучылар һәм укучылар да республика һәм район җитәкчелегенә бик рәхмәтле, күп еллык проблемабыз хәл ителде, - ди мәктәп директоры Виктор Плотников. -Биредә физкультура дәресләрен генә түгел, районкүләм чаралар да уздырырга шартлар бар.

12гә 24 метрлы спорт залында чишенү-киенү, душ бүлмәләре, санузел да ясалган. Укучыларга спорт белән шөгыльләнү өчен кирәк булган беренчел спорт кирәк-яраклары байтак. Киләчәктә спорт залын яңа җиһазлар белән баетырга ниятләп торалар.