Чирмешәндә инвесторлар бәйрәм күчтәнәче таратканнар

- Өлкәннәр ункөнлеге кысаларында, Түбән Чегодайда, Кече Чегодайда, Казанкада, Чирмешәндә, Кирпеч заводы поселыгында гомер итүче, ялгыз, мохтаҗ, элек эшләгән оешмалары булмаган якташларыбызга иганәче – инвестор ярдәме белән тәм-томнар тутырылган пакетлар өләштек, - диде Чирмешән авыл җирлеге башкарма комитеты җитәкчесе Светлана Ганиева.

Мондый күчтәнәчне Түбән Чегодай авылында яшәүче 82 яшьлек Фатыйма апа Галимовага да китергәннәр.

-Бу көтелмәгән бүләк булды.  Озак еллар эшләп чыккан оешмадан мондый игътибар күргәнем булмады, - ди якташыбыз. – Безнең, өлкәннәрнең, күңелләрен күреп, күчтәнәчләр җибәрүчеләргә  Аллаһының изге рәхмәтләре яусын.

 фото: архив