Чирмешән мәчете картлары бүләкләр өләштеләр

Чирмешән мәчете картлары, фитра сәдакасыннан кергән акча хисабына, район үзәгендә яшәүче авыр хәлдә калган, йөри алмаучы, физик мөмкинлекләре чикле якташларыбызга Яңа ел күчтәнәчләре әзерләделәр, сигез кешегә азык-төлек пакетлары өләштеләр.

Җиңү бәйрәме алдыннан да мондый пакетлар белән алты якташыбызны сөендергән идек.

Инде шактый еллар түшәктә ятучы, энесе Таһир, килене Миңсылу карамагында гомер кичерүче Гөлсинә Исмәгыйлова да мондый игътибарга, бу бүләккә бик сөенде, күзләренә яшьләр тулды. Башкалар кебек, ул да игелекле булучыларга рәхмәтләрен белдерде.

Гомәр Шарапов,

Чирмешән авылы.