Зифа Кадырова Чирмешәнгә килә

Безгә әлеге популяр татар язу­чысы 25 ноябрьдә килергә тиеш.

Зифа ханым "Безнең Чирмешән" газетасы редакциясенең районда очрашуга чакыруын сөенеп кабул итте. Гомумән, ул төрле кичәләрдә, чараларда бик еш катнаша.

"Язмыш сынавы", "Сагынырсың мин булмам", "Бәхеткә юл кайдан?", "Көтеп узган гомер" һәм башка әсәрләр авторы Зифа Кадырова һәм башка кайбер язучылар, шагыйрьләр белән очрашу 25 ноябрьдә, кичке сәгать биштә, район мәдәният йортында булачак. Әлеге чарада теләге бар һәркем катнаша ала. Биредә язучының китаплары да сатылачак.