Татарстанга кабат бураннар килә
Иртәгә, 11 мартта, Татарстанда кабат тотрыксыз һәм дымлы һава торышы урнашачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республика территориясендә төнге һәм иртәнге сәгатьләрдә урыны белән буран көтелә, буран вакытында күз күреме бер-ике чакрымга кадәр начарая һәм секундына 15-20 метр тизлектә көчле җил исә.
Моннан тыш, юлларда көчле бозлавык барлыкка киләчәк.
Шул рәвешле, Татарстанда аномаль салкыннар чигенә. Бүген, 10 мартта, ТР башкаласында 118 ел элек күзәтелгән температура рекорды куелды: «Казан-Сокол» авиация метеостанциясендә термометрның терекөмеш баганасы -30,5 градуска кадәр төште.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев