Татарстанда шактый салкынайтачак һәм томан төшәчәк

Төнлә урыны белән 30 градуска кадәр салкын булуы фаразлана.

(Казан, 23 февраль, "Татар-информ"). Татарстанда алдагы көннәрдә һава температурасының шактый түбән төшүе һәм томан булуы көтелә. Бу хакта Татарстан Гидрометеорология һәм әйләнә-тирә мохитне күзәтү идарәсе җиткерә.

Республикада томан иртәгә төнлә һәм иртән төшәчәк.

Татарстан Гидрометеорология һәм әйләнә-тирә мохитне күзәтү идарәсе мәгълүматлары буенча, Татарстанда 28 февральгә кадәр уртача тәүлеклек температура нормадан 5-9 градуска түбәнрәк булачак. Төнлә урыны белән 30 градуска кадәр салкын фаразлана. Көндез 12-17 градус салкын көтелә.

Аномаль салкыннар бу көннәрдә Россия башкаласында да күзәтелә.

http://tat.tatar-inform.ru/news/2018/02/23/158626/

Гөлсирә Шәрифуллина фотосы.