Татарстанда киләсе атнада җылыта
Татарстанда җылыта – бу атна ахырына һава температурасы көндез 22 градуска җитәчәк. Ә киләсе атнада һава тагын да җылыначак. Татарстанның Гидрометеорология үзәге шул турыда хәбәр итте.
Синоптиклар хәбәр иткәнчә, якын көннәрдә Татарстан циклоннар һәм аларның фронталь бүлекләре йогынтысында калачак. Җомга һәм шимбә көннәрендә яңгыр, томан көтелә. Төнге сәгатьләрдә – 7 градустан 12 градуска кадәр, көндез 14 градустан 19 градуска кадәр җылылык фаразлана.
18 сентябрьдә температура күтәрелә башлый: төнлә +9..+14 градус һәм көндез +17..+22 градуска җитәчәк. Урыны белән бераз яңгырлар явачак.
«Дүшәмбе, 19 сентябрьдә, безнең төбәк бик җылы һәм тотрыксыз һава массасында булачак. Урыны белән кыска вакытлы, яшенле яңгырлар көтелә. Температура фоны сизелерлек күтәреләчәк һәм төнлә 11-16 градус, көндез 21-26 градус булачак», – диелә синоптиклар хәбәрендә.
20 сентябрьдә, салкын атмосфера фронты килү белән, температура бераз төшә – 18-23 градус көтелә. Синоптиклар кабат кыска яңгырлар фаразлый.
Следите за самым важным и интересным в Telegram-каналеТатмедиа
Нет комментариев