Татарстанда һава торышы үзгәрә: көчле яңгыр, яшен һәм боз явуы көтелә
Атлантикадан килгән «Бернадетт» циклоны бүген, 14 июльдә, Татарстанга һава шартларының сизелерлек начараюын китерәчәк. Бу хакта ТР Гидрометеорология үзәге хәбәр итә.
Татарстанда һава торышы сизелерлек үзгәрәчәк. Республикада алмашынучан болытлы һава саклана, күп районнарда көчле яңгырлар явуы көтелә.
Кайбер җирләрдә, шул исәптән Казанда да, яшенле яңгыр булачак. Аерым районнарда боз яву ихтималы да бар.
Көнчыгыш һәм көньяк-көнчыгыштан искән җилнең тизлеге 6–11 м/с тәшкил итәчәк, урыны-урыны белән ул 15–20 м/с ка кадәр көчәячәк. Казанда җилнең тизлеге 18 м/с ка җитәргә мөмкин.
Һава температурасы да бераз төшәчәк. Төнлә +12...+17 градус булса, көндез һава +20...+25 градуска кадәр генә җылыначак.
Синоптиклар мәгълүматына караганда, атна ахырына кадәр республикада көнбатыш циклоны йогынтысында тотрыксыз, артык эссе булмаган һава торышы сакланачак.
Гүзәл Шәфыйкова фотосы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев