Татарстанда 31 градуска кадәр эссе була
Бу атнада Татарстанда 31 градуска кадәр җылытачак, яңгырлар һәм көчле җил көтелә. Бу хакта республиканың Гидрометеорология һәм әйләнә-тирә мохитне күзәтү идарәсе хәбәр итә.
Бүген көндез 20-25 градус булачак, көнчыгыш районнарда 29 градуска кадәр күтәрелә.
Сишәмбе көнне, 30 майда төнлә явым-төшемнәр фаразланмый, һава температурасы 6-11 градус җылы була. Көндез урыны белән яңгыр яварга мөмкин, һава температурасы 22-27, көнчыгыш районнарда 30 градуска кадәр җылыта. Төньяк-көнчыгыштан 3-8, көндез урыны белән 13 метр тизлектә көчле җил була.
Чәршәмбе көнне, 31 майда кыска вакытлы яңгыр вәгъдә итәләр. Төнлә 13-18, көндез 23-28 градус җылы була. Республиканың көнчыгышында температура 31 градуска кадәр күтәрелергә мөмкин.
Следите за самым важным и интересным в Telegram-каналеТатмедиа
Нет комментариев