Татарстанда +11 градуска кадәр җылыта
Якын көннәрдә Татарстанда һава торышы әкренләп үзгәрәчәк. ТР Гидрометеорология үзәге синоптиклары явым-төшемнәр һәм шактый җылытачагын фаразлый.
21 мартта көндез урыны белән бераз яңгыр һәм 6-8 градуска кадәр җылытачак дип көтелә.
22 мартта төнге сәгатьләрдә Татарстанда урыны белән җепшек кар белән бераз яңгыр көтелә, көндез җитди явым-төшем көтелми. Төнге температура 0 дән +3 градуска кадәр тәшкил итәчәк, көндез һава +4+9 градуска кадәр җылыначак.
23 мартта да яңгырлар көтелми. Төнлә минус 3 градуска кадәр суытачак, ә көндез термометр баганалары +6+11 градуска кадәр күтәреләчәк.
Республикада җылы һава торышы 24-26 март көннәрендә сакланачак. Уртача температура нормадан 6-8 градуска югарырак булачак. Көндез синоптиклар +6+11 градуска кадәр җылытачак дип вәгъдә итәләр, төнлә дә уңай һава температурасы фаразлана.
Следите за самым важным и интересным в Telegram-каналеТатмедиа
Нет комментариев