Үсеш стимуляторлары кыярга ярдәм итәме?
– Кыяр орлыкларын өйдә инде апрель урталарында ук чәчеп, менә хәзер теплицага күчереп утырттым. Уңышын ничек тә тизрәк күрәсе килә. Кибетләрдәге «Бутон», «Циркон» кебек үсеш стимуляторлары, чынлап та, моңа ярдәм итәме икән?
Сорауга бакчачы-блогер Эльмира Исхакова җавап бирә:
– «Суперраний» сортлар утыртыгыз. Мондый кыярлар инде 35–40 көн чамасы узуга уңыш бирә башлый. Үсеш стимуляторларына килсәк, минемчә, аларны куллану – юкка акча исраф итү генә. Ник дигәндә, хәзерге гибрид сортлар инде 9–10 сантиметр чамасы үсүгә, чәчәккә бөреләнә башлый. Алар болай да «бөтерелеп» үсә, ә стимулятор үсентеләрне тагын да «бөтерә». Шуны да белеп торыгыз: бик тәмле кыярлар теплицада түгел, ә ачык туфракта үсә. Бал кортлары ярдәмендә серкәләндерелә торган сортларның тәме гибрид сортлардан күпкә өстен.
Наҗия Хәкимова. Балык бистәсе
Следите за самым важным и интересным в Telegram-каналеТатмедиа
Нет комментариев