Россиядә 1 июльдән сөт продуктларын сату кагыйдәләре үзгәрде

1 июльдән Россиядә сөт продукциясен сатуның яңа кагыйдәләре эшли башлады. Хәзер сәүдә залларында составында натураль сөт булган продуктлар визуаль рәвештә аерылып торырга тиеш булачак. Бу хакта ТАСС хәбәр итә.

Ил Хөкүмәтенең тиешле карарын РФ Премьер-министры Дмитрий Медведев агымдагы елның 29 гыйнварында имзалады.

Сәүдә залларындагы киштәләрдә составында натураль сөт булган продуктлар мәгълүмати язу белән аерылып торырга тиеш, дип билгеләп үтә «Прайм» агентлыгы.

Кибетләрдә сөт продукциясен чыгаруның яңа кагыйдәләре авыл хуҗалыгы җитештерүчеләренә ярдәм итәргә, кулланучылар игътибарын җәлеп итәргә тиеш.

Роскачество белгечләре яңа кагыйдәләрнең үтәлешен тикшерәчәк.

Фото: https://pixabay.com

https://tatar-inform.tatar