Маркетплейсларда ялган орлыкларга юлыкмас өчен киңәшләр
Маркетплейсларда ялган орлыкларга юлыкмас өчен бу сортны Селекция казанышлары дәүләт реестрында (Государственный реестр селекционных достижений) эзләргә кирәк. Бу хакта Мәскәү элемтә һәм информатика техник университетының «Экология» кафедрасы мөдире Виктория Ерофеева хәбәр итә.
«Ялганга юлыкмас өчен, сатып алырга теләгән сортларны Селекция казанышлары дәүләт реестрында эзләргә кирәк. Әгәр үсемлек реестрда юк икән, димәк бу фальсификат булырга мөмкин», – дигән белгеч.
Моннан тыш, ялган орлыкларның башка билгесе – сатучы тәкъдим иткән фотолар. Сатып алырга җыенган сортның табигый тирәлектә, башка кулланучылар төшергән фотоларын эзләргә кирәк. Әгәр мондый фотолар табылмый икән, сатучы сезне алдарга җыена, дигән белгеч.
Ә экзотика үстерергә теләгән кешеләргә иң яхшысы махсус питомникларга мөрәҗәгать итәргә кирәк, анда чәчәк атып яки җимеш биреп утырган агачы күрергә һәм үсентеләрен сатып алырга була, дип киңәш итә белгеч.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев