Көзгә кергәндә җиләк түтәлләрен җыештыру

Корыган һәм каралган, авыру һәм үлгән яфракларны, зарарланган үсемлекләрне җыеп яндырыгыз. Шулай ук чүп үләннәрен дә.

Авыруларны һәм корткычларны бетерү

Корткычның төрен һәм авыруларын билгеләгез һәм үсемлекләрне тиешле чаралар белән эшкәртегез. Корткычларның да, яшерен авыруларның да кышка җиләктә калмавы бик мөһим. Кызганычка каршы, пәрәвез талпаны һәм онлы чык таралуга юл куймый торган бердәнбер препарат юк. Әмма профилактик чараларны авыруларга һәм корткычларга каршы куллана аласыз. ⠀

Җиләкне саклау өчен халык рецепты

Помидор сабагы бөҗәкләрне куркыта. Көз көне помидор сабагы пешерергә вакыт. Якынча 1 кг помидор сабагын 10 л кайнар суга (50°C) салыгыз, якынча 3 сәгать төнәтегез, ә аннары, ике сәгать дәвамында кайнатыгыз, сөзегез һәм суытыгыз. Теркада вакланган кер сабынынын өстәгез (1/2 кисәк), барысын да яхшылап бутагыз, 1:2 пропорциясендә су агызыгыз. Аннан соң җиләкнең яфракларына шул суны коегыз.

Көзен җиләкнең мыекларын кисү

Әгәр дә сез җиләк плантациясен үрчетергә җыенмыйсыз икән, мыекларны кисәргә кирәкми. Башка очракта мыекларын җыеп алырга кирәк, югыйсә ул кышлау вакытында үсемлек өчен бик мөһим булган матдәләрне үзенә тартачак, үсемлекнең көчен алачак. Процедураны иртән яки кичен җылы һәм коры һава торышы булганда үткәрергә кирәк. Беркайчан да мыекларын өзмәгез: бөтен куагына зыян китерә аласыз. Иң яхшы ысул - бакча кайчысы. Мыекны артык кыска кисмәгез, аларның озынлыгы 8-10 см булырга тиеш. ⠀

Җиләк түтәлләрен яңарту

Әгәр яфраклар бордовый төскә кергән икән, бу үсемлекнең репродуктив ресурслары тулысынча беткән дигән сүз – сезгә куакларын яңартырга вакыт. Моны көз көне эшләү яхшырак: бу чорда утыртылган яшь куаклар киләсе җәйдә үк уңыш бирәчәк.

Җиләкне күчереп утырту

Һәр 4-5 ел саен җиләкне яңартырга һәм яңа урынгакүчереп утыртырга кирәк Булган үсемлекләрдән яшь үсенте алу өчен, июль-август айларында барлыкка килгән мыекларны җиргә күмегез һәм аларның үсеп, яфраклар чыгаруын көтегез. Шуннан соң аларны ана куагыннан аерыгыз. Яшь куаклар гадәттә сентябрь урталарында, ай тигезлеге көннәрендә утыртыла.

Көз көне җиләкләрне тукландыру

Югарыда язылган эшләрдән соң, җиләкне көзге тербиялеу буенча рәт араларын казыгыз, кәтмән белән күмегез һәм куакларны ашлама белен тукландырыгыз. Тирес (1 кв.метрга 2-4 кг), тавык пометы (1 кг.-га 10 л су) яки агач золасы (1 кв.метрга 100 г) кулланырга мөмкин. Шул ук вакытта ашлама җиләк яфракларына тимәсен итеп, үсемлекне яндырмасын итеп кертәләр. Ә көлне, киресенчә, тамырлар астына гына түгел, яфракларга да сиптерәләр.

Минераль тукландыру өчен комплекслы ашлама туры килә (10 л. суга - 2 аш кашыгы нитроаммофоск). ⠀

Уңыш җыйганнан соң җиләкне нәрсә белән тукландырырга? Җиләк җимешен бирүдән туктаганнан соң тукландыруга мохтаҗмы? Әйе, һәм хәтта чәчәк аткан, җимеш биргән чорларга караганда да күбрәк.

Җиләкне кышка каплау

Бакча җиләге артыннан көзге карауның соңгы этабы - җылылык тәэмин итү. Тукландырудан 2 көннән соң куаклар салам, чыршы ботаклары яки коелган яфраклар белән капларга кирәк.

Чыганак

Фото: pixabay.com