Красная Поляна авылы ягындагы урманнарда корткычларны агулыйлар
Светлогорск участок урманчылыгына караган 92 нче кварталда, ягъни районның Красная Поляна авылы ягындагы урманнарда, 5 майдан башлап, корткычлар чыганакларын бетерү буенча чаралар үткәреләчәк.
Чирмешән урманчылыгыннан хәбәр итүләренчә, чара әлеге кварталның 1,2,3,4,8,9,10,11,12,13,14,15 бүлемнәрендә – 65,2 гектарда башкарылачак.
Урман үсентеләрен “Россия Федерациясендә куллануга рөхсәт ителгән пестицидлар һәм агрохимикатлар дәүләт каталогы”на кертелгән Bacillus thuringiensis, var. kurstaki (спорово-кристаллический комплекс БА-2000 ЕА/мг, 10 млрд спор/г. ким булмаган титр күләмдә) биологик препараты белән тәэсир итүче матдәдә өстән сиптереп эшкәртелә. Бу чорда әлеге урыннарга гражданнарның керүе, терлекләр көтү, дару үләннәре җыю, умарталыклар урнаштыру тыела. Югарыда күрсәтелгән участоклардан 7 километр радиуста умарталар очуына юл куймау зарур.
Следите за самым важным и интересным в Telegram-каналеТатмедиа
Нет комментариев