Ялларда Татарстанда нинди һава торышы була?

Иртәгә, 4 октябрьдә, төнге сәгатьләрдә һава температурасы 0..+5 градус тәшкил итәчәк, көньякта һәм көнчыгышта температура -5 градуска кадәр түбәнәергә мөмкин. Көндез исә һава +17..+22 градуска кадәр җылыначак.

Соңгы вакытта һава торышына йогынты ясаган антициклон шимбәдә китә. Төньяк циклонның атмосфера фронтлары килү белән бераз яңгыр һәм температура фонының түбәнәюе көтелә. Әгәр төнлә һава температурасы +5..+10 градус, көньякта һәм көнчыгышта +3..-2 градус тәшкил итсә, көндез исә термометрның терекөмеш баганасы +19 градуска кадәр күтәреләчәк.

6 октябрьдә төнлә шулай ук бераз яңгыр көтелә, әмма көндез явым-төшем ихтималы кими. Төнлә +4..+9 градус булса, көндез дә температура +12..+17 градустан югары күтәрелмәячәк.

Киләсе атнада һава торышы тотрыксыз булачак. Әйтик, урыны белән, күбесенчә республиканың көнбатышында бераз яңгыр көтелә. Дүшәмбе, 7 октябрьдә һава температурасы +13..+18, ә сишәмбедә +15..+20 градус тәшкил итәчәк.

чыганак