Ерак юлга чыкканда ниләр алырга кирәк?

Автомобильнең барлык системаларының төзек булуына инанмый торып, юлга чыгу киңәш ителми.  Иң беренче чиратта машина йөртүче тормоз системасын тикшерә, аккумуляторның халәтен карый. Тәгәрмәчләрдәге басымны үлчәү (кирәк булса, һава тутыру), запас тәгәрмәчне барлау мөһим. Двигательдәге май күләмен һәм барлык калган сыеклыкларны тикшерү комачауламас.  Багажникта ачкычлар, кораллар җыелмасы, буксирлау тросы, канистра, компрессор, предохранитель, аптечка (даруларны күбрәк тутыру әйбәт) булырга тиеш. Двигательнең май “ашый” торган гадәте бар икән, канистра белән май онытмагыз. Шулай ук телефон һәм навигаторны кору җайланмасы, шырпы, перчатка, чүпрәкләр, одеял, пычак, кара күзлек, зур савытта су алу яхшы.

Рәсем ясалма фәһем ярдәмендә ясалды.