Чирмешәндә чыршы, нарат агачларын законсыз кисүчеләрне ачыклаячаклар

Бу вакытта ылыслы агачларны законсыз кисүне булдырмау максатында урманнарны даими тикшереп торачаклар.

-Урман утыртмаларын законсыз кисү, аларга зыян китерү яки агачларны үз белдегең белән казып алу гражданнардан – 3 меңнән 4 мең сумга кадәр, вазифаи затлардан – 20 меңнән 40 мең сумга кадәр, юридик затлардан 200 меңнән 300 мең сумга кадәр административ штраф түләтү җәзасына нигез була ала. Моннан тыш, законсыз агач кискән зат урманнарга китерелгән зыянны капларга тиеш, әлеге зыян киселгән агач токымына һәм аның үсү урынына, урманнарны саклау категориясенә бәйле рәвештә ачыклана, - диде Чирмешән урманчылыгы җитәкчесе Алмаз Мотыйгуллин.

Урман законнарын бозу фактлары турында урман сагының турыдан-туры 8-800-100-94-00 номерына, шулай ук 8 (843) 221-37-95 номеры буенча ТР «Урман янгыннарын сүндерү үзәге» ДБУ төбәк диспетчерлык хезмәтенә хәбәр итәргә мөмкин; 8-84396-2-58-79 - Чирмешән урман хужалыгы.

Марат Гомәров фотосы.