Чирмешән районында 1908 бала каникулга китә

Район мәгариф бүлегеннән белешүебезчә, барлыгы 1908  бала 10 көн ял итәчәк. Алар 7 ноябрьдә янә укырга барачак.
25 октябрьдән 6 ноябрьгә кадәр белем йортларына юл автоинспекторлары ешрак килергә тиеш. Укучыларның ялы бәла-казасыз үтсен өчен, ДАИ хезмәткәрләре “Көзге каникул” операциясе кысаларында, балалар һәм ата-аналар белән юлда йөрү кагыйдәләре хакында сөйләшәчәк. Исегезгә төшерәбез, караңгы вакытта, бигрәк тә көзен, җәяүләп юлга чыкканда өс киеменә яктылык кайтаргыч тагу зарур. Машина йөртүчеләр дә каникул көннәрендә юлларда тагын да саграк йөрсеннәр иде.