Белгеч: “Коронавирус кичергәннән соң 3-4 ай узгач үлү куркынычы зур
Тирәнтен диспансеризация узу кешеләрнең гомерен саклап калырга мөмкин, ди медиклар.
Коронавирустан соң аякка басу үлем куркынычы башка янамаячак, дигән сүз түгел әле. Табиб Ольга Богданова шулай дип белдергән. “Байтак кына кешеләр коронавирус кичергәннән соң 3-4 ай узгач вафат була. Инфекциянең организмга зур зыян салуына бәйле бу. Мондый куркыныч бигрәк тә йөрәк-кан тамырлары авыруларыннан интегүче өлкәннәргә яный. Фаҗига килеп чыкмасын өчен без тирәнтен диспансеризация уздырабыз”, – дип аңлаткан ул.
Аның әйтүенчә, савыкканнан соң ике ай узгач тирәнтен тикшерелү киңәш ителә. Нәкъ менә шушы вакыт узганнан соң инфекциянең ачы “җимеш”ләре ачык күренә. “Инфекция бер генә кешенең дә организмына зыян салмыйча калмый. Чирне җиңелчә генә уздыручыларга да кагыла бу хәтта. Шуңа күрә без диспансеризация барышында аларны ачыкларга тиеш”, – дигән ул.
Следите за самым важным и интересным в Telegram-каналеТатмедиа
Нет комментариев