Ана капиталын алачаксыз

Ана капиталы буенча түләүләр 2016 елга кадәр дәвам итәчәк диләр, ә 2013 елда туучыларга ана капиталы биреләчәкме?

Укучыбыз соравына Пенсия фондының район идарәсе начальнигы Гөлфия Гыймранова җавап бирә:

"Балалары булган гаиләләрне дәүләт яклавы буенча өстәмә чаралар турында" 2006 елның 29 декабрендә кабул ителгән 256 санлы Федераль закон 2007 елның 1 январеннан 2016 елның 31 декабренә кадәр гамәлдә.

Шулай итеп, 2007 елның 1 январеннан 2016 елның 31 декабренә кадәр икенче бала туган очракта сез ана (гаилә) капиталына дәүләт сертификаты алу өчен яшәү урыны буенча Пенсия фондының территориаль органына мөрәҗәгать итә аласыз".