7 июльгә һава торышы
Бүген, 7 июльдә, Татарстанда шактый эссе, әмма тотрыксыз һава торышы сакланачак.
Республикада алмашынучан болытлы һава торышы көтелә. Урыны белән, шулай ук Казанда, кыска вакытлы яңгыр явачак. Аерым районнарда яшенле яңгыр, кайбер урыннарда боз явуы да ихтимал (бу ике метеокүренеш ТР башкаласында да фаразлана). Моннан тыш, төбәктә иртән кайбер урыннарда төнлә төшкән томан саклана.
Көньяк һәм көньяк-көнбатыштан секундына 6-11 метр тизлектә җил исә, урыны белән аның тизлеге 15-20 метрга кадәр көчәя (шул исәптән Казанда да). Бофорт шкаласы буенча, тизлеге 13,9-17,1 метр тәшкил иткән җил – көчле, ә 17,2-20,7 метрга җиткәне көчле җил дип атала.
Җылы төннән соң (+12..+17 градус), көндез Татарстанда термометрның терекөмеш баганасы +24..+29 градуска (республика башкаласында +25..+27 градуска) кадәр күтәреләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев